Vunne wille Jagd
In Harwest un in'n Fräujahr, wenna Wind sau dulle umme Hüser strieket, dä Tailen oppe Däker klappert unna Storm ann' Schorstien rappelt - dat et schurig dorchet ganze Hus piept, dann trecket de wille Jagd dorche Lüfte. Et is danne an'n besten, wenn man tau Huse blieft un dä Husdör tauslött, dat keiner rinner kann.-
Holtsleger in'n Elme hät ne ok all in Holte begejend. Se hat sik ganz sachteken benomen und sik hille vonne maket. Ok is et gaut, wenn einen dä wille Jagd begejend, datten de Mütze trecket un öne en' gauen Dag wünschet. Awer ja nich na umkieken, dat es nich gaut un bringet Unglücke. -
An' meisten trecket dä wille Jäger inne Twölwen dorche Lüfte. Dä Olen tellen sick, datt fräuer mal en bösen Jäger e'west wörre, dä Sundages immer e'jaget härre, wenn dä Lüe grade inne Kerke e'west sünd. Wie nu mal siene Fru tau ne sajjt hat: "Du sallst den Fieerdag heilijen." - hatte nur e'lacht unne meint: "Ick jage in alle Ewigkeit." - Nu motte bett taun jüngsten Dage inne Lüfte jagen un alle bösen Geister trecket midden rummer.
Hans Hackelberg dä wille Jäger
Hans Hackelberg wörre en groten Wilddeib, dä in'n Elme un in'n Dorme veel rummewildert hat.- Wie hei nu e'storben was, hatte na sienen Dot keine Raue fin'n können, un moste noch wieder wildern. Wenn hei det nachts dorchs Löfte trecket, dat et sau huelt un suset, dann sejjet dä Lüe an'n Elm,dat is Hans Hackelberg, dä dorche Löfte trecket. Hei hat keine Rau in'n Grawe un mott sick ein jeder ehrliche Christenminsche vorseihn, dat Hans Hackelberg ne nich midde nimmt.-
Der wilde Jäger Hackelberg
Wenn der Wind durch die Bäume pfeift und an Türen und Toren rüttelt, dann reitet der wilde Jäger Hackelberg durch die Lüfte, um im Elm zu jagen. -
Die Holzschläger haben ihn oft auf seinem großen Rappen durch den Wald jagen sehen, umgeben von einer großen Meute schwarzer Hunde.
In der Jütte bei Langeleben tränkt die wilde Jagd auch in den zwölf Nächten ihre Pferde.Wer sie dabei stört,muß fortan mitjagen bis an den jüngsten Tag.